കവിതാശകലങ്ങൾ

“വിരക്തി ഒരുകാലത്തും എന്നെ ആകര്‍ഷിച്ചിട്ടില്ല. ഞാന്‍ അറിയുന്ന

ഉത്തമമായ ആത്മീയത,എന്നും ഭൂമിയുടെ വികാരം ആയിരുന്നു.

നൂറുകണക്കിനു ദൃഷ്ടാന്തങ്ങളും ആദേശങ്ങളുമുളള വേദസംഹിതയില്‍

എങ്ങും തന്നെ “സന്ന്യസിക്കൂ” എന്നൊരു ആദേശം കാണുന്നില്ല. ജന്മനാ

വിരക്തിവാസന ഉളളവര്‍ക്ക് അതാവാം എന്നുമാത്രം. മറിച്ച്, പഠിക്കൂ,

പഠിപ്പിക്കൂ, വേള്‍ക്കൂ, പുത്രന്മാരെ ഉത്പാദിപ്പിച്ച് വംശം നിലനിര്‍ത്തൂ,

ധര്‍മ്മം അനുഷ്ഠിക്കൂ, നൂറുകൊല്ലം ആരോഗ്യത്തോടെ സന്തുഷ്ടരായി

ജീവിക്കൂ, സംശയം വരുമ്പോള്‍ അഭിജ്ഞന്മാരുടെ സഭകൂടി ചര്‍ച്ച

ചെയ്തു തീരുമാനിക്കൂ എന്നെല്ലാം വ്യക്തമായ നിര്‍ദ്ദേശങ്ങള്‍ കാണാം. 

ആത്മീയത എന്നാല്‍ ഏതെങ്കിലും കക്ഷിയുടെയോ മതത്തിന്റെയോ

സ്വകാര്യമല്ല. ചിരപുരാതനമായ നമ്മുടെ ഈ മഹാരാഷ്ട്രത്തിനു

പ്രാണപ്രതിഷ്ഠ ചെയ്യുന്ന നടപടിയാണത്”